ထိုင်းအရေးပေါ် အမိန့်ကြောင့် ဆရာတော် ဦးဥတ္တမနှင့် ရွှေဝါရောင် တော်လှန်ရေးအတွက် ကြွီးကြော် ဆန္ဒပြပွဲ ပျက်ပြယ်

ဒေးလီထက်/စက်တင်ဘာ ၉ ရက်၊ ၂၀၀၈

ဂနိန့် ကျရောက်ရေ ၆၉ နှစ်မြောက် ဆရာတော် ဦးဥတ္တမ နိန့်နှင့် စက်တင်ဘာ ရွေဝါရောင် တော်လှန်ရေးတွင် ပျံလွန်လားသော သံဃာတော်များအတွက် ရည်စူးပြီး ဘန်ကောက်မြန်မာ သံရုံးရှိတွင် လွမ်းသူပန်းခြွီ ချရန်နှင့် ကြွီးကြော် ဆန္ဒပြဖို့ အစီအစဉ်များသည် ထိုင်းရဲများ၏ ဟန့်တားမှုကြောင့် ပျက်ပြယ်လားပါသည်။

ပြီးခရေ စက်တင်ဘာလ ၂ ရက်နိန့်တွင် ထိုင်းဝန်ကြီးချုပ် စမတ် ဆန်ဒါရာဝပ်မှ အရေးပေါ် အခြီအနီ တစ်ရပ်ဖြစ်ရေ လူငါးဦးထက်ပိုပြီး မစုရဆိုရေ အမိန့်ဖြင့် ထိုင်းရဲများက ရခိုင်အင်အားစုမှ ဦးဆောင်ပြီး ချီတက်ဆန္ဒပြရေ သူများကို ဘန်ကောက်မြန်မာ သံရုံးနားအရောက်တွင် ဟန့်တားမှု ပြုလုပ်ခခြင်းကြောင့် ပျက်ပြယ်လားရခြင်းဖြစ်သည်။

ဆန္ဒပြဖို့သူများနှင့် ရဲများအကြား အခြေအတင် စကားများခကြသော်လည်း အဖမ်းအဆီးများမဟိဟု ဆန္ဒပြမည့်သူများအား ဦးဆောင်လာသူ ရခိုင်ဝံသာနုစာပီ ရုံးတာဝန်ခံ ကိုဥက္ကာက ပြောသည်။

၎င်းက "ကျနော်ရို့က ရှိဆက်ပြီးကေလုပ်ဖို့ သူရို့တားရေကြားက ကျနော်ရို့လုပ်ဖို့။ လုပ်ပြီး ကေကျနော်ရို့ ပြန်ဖို့စွာရာ။ ကျနော်ရို့ခပ်တင်းတင်း သူရို့ကို လုပ်လိုက်လို့ သူရို့က ကျနော်ရို့ ကိုင်ဆောင်လာရေ သာသနာ့ အလံ၊ နောက်ပြီးကေ ဆရာတော်ဦးဥတ္တမပုံ၊ ယင်းချင့်တိကို အတင်းလုရေ။ လုရေအခါမှာ ကျနော်ရို့ပြောစွာက ကျနော်ရို့အသက်သခင် ကျနော်ရို့ ဒေဟင့်ကို ပီးလို့ မရပါ။ ဦးဥတ္တမပုံရို့၊ သာသနာ့အလံက ကျနော်ရို့၏ အသက်ပါ။ အေချင့်ကိုတော့ခါ မင်းရို့မသိမ်းပါကေ့။ ကျန်ရေစွာတိကို မင်းရို့သိမ်းချင်သိမ်းပါ။ ယင်းပိုင်ပြောလိုက်ရေခါ အခြေအတင် စကားများကြရေ" ဟု ပြောလားပါသည်။

ထို့အပြင် ထိုင်းရဲများမှ လားရောက်ချီတက်ဆန္ဒပြဖို့ လူဦးရေ ၂၀ ဦး၏ လွယ်အိပ်များ အတင်းမွှီနှောက်ခြင်းနှင့် ခေါင်းစည်းများ ချွတ်ခိုင်းခြင်းစသည်များကို ပြုလုပ်လျှက်ဟိနီပါသည်။

ဆရာတော် ဦးဥတ္တမနှင့် ပတ်သက်ပြီး ရခိုင်ဝံသာနုစာပီမှ နှစ်စဉ်နှစ်တိုင်း အခမ်းအနားပြုလုပ်ခြင်းသည် ၁၂ ကြိမ်ဟိဗျာယ်ဖြစ်ပြီး ချီတက်ဆန္ဒပြရာတွင် ၂နှစ်ရာဟိသိမ့်ပြီး အေနှစ်မှာကား ပျက်ပြယ်လားခရသည်။

အဂုပိုင် ပျက်ပြယ်လားရခြင်းနှင့် ပတ်သက်ပြီး ကိုဥက္ကာက "ကျနော်ရို့က သူရို့(ဆရာတော် ဦးဥတ္တမနှင့် ရွေဝါရောင် တော်လှန်ရေးတွင် ပျံလွန်လားသော သံဃာတော်များ) အတွက် လုပ်ခစွာပါဆိုကေလည်း အခုပျက်ပြယ်လားရရေ။ ပျက်ပြယ်လားရေ ဆိုကေလည်း ကျနော်ရို့စိတ်ဓါတ်တိက မပျက်ပြယ်ပါ။ နောက်လာဖို့ ၂၀၁၀ နအဖ ကျင်းပဖို့ ရွီးကောက်ပွဲကိုလည်း ကျနော်ရို့တိက အမြဲတမ်း တိုက်ပွဲဝင် ဆန့်ကျင်လားဖို့ ဆိုစွာကိုပါ ကျနော်ထည့်ပြီး ပြောချင်ရေ" ဟု ပြောလားပါသည်။

ဆက်လက်ပြီး အဂုပိုင် လွမ်းသူပန်းခြွီချရန်နှင့် ကြွီးကြော်ဆန္ဒပြဖို့ အစီအစဉ်များ ပျက် ပြယ်လားရပါသော်လည်း ဆရာတော် ဦးဥတ္တမ၏ မျိုးစေ့ချပီးခရေ တော်လှန်ရေး စိတ်ဓါတ်များ ပျက်ပြယ်လားခြင်း မဟိရေအပြင် ဦးဥတ္တမ၏ စိတ်ဓါတ်နှင့် စက်တင်ဘာ သံဃာရွေဝါရောင် တော်လှန်ရေး စိတ်ဓါတ်များ အမြဲတမ်း ရှင်သန်နီရေ အကြောင်းကို သက်သီပြနိုင်ခရ၍ ဂုဏ်ယူမိသည်ဟုလည်း ပြောကြားလားပါသည်။

၁၉၃၉ ခုနှစ် စက်တင်ဘာလ ၉ ရက်နိ့တွင် မြန်မာ တစ်နိုင်ငံလုံး၏ ကျေးဇူးသျှင် မျိုးချစ် အာဇာနည်အဖြစ်နှင့် မြန်မာ့လွတ်လပ်ရေးအတွက် အဖိနှိပ်ခံကျွန်ဘ၀မှ လွတ်မြောက်နိုင်ရန်အတွက် အကြမ်းမဖက်ရေ နည်းဖြင့် တိုက်ပွဲဝင်ယင်း ပျံလွန်တော်မူလားခသော ဆရာတော် ဦးဥတ္တမအား အောက်မိ့သတိရရေ အနီဖြင့် အခမ်းအနားများ ပြုလုပ်ပီးလေ့ဟိပါသည်။

၆၉ နှစ်မြောက် ဆရာတော် ဦးဥတ္တမ ပျံလွန်တော်မူသည်နှင့် ပတ်သက်ပြီး မဲဆောက်မြို့၊ အုံးဖျံဒုက္ခသည်စခန်း၊ ထိုင်းနိုင်ငံ တောင်ပိုင်း ဖူးခက်မြို့၊ ဂျပန်၊ ဘင်္ဂလာဒေ့နှင့် အိန္ဒိယနိုင်ငံများတွင် အသီးသီး အခမ်းအနား ကျင်းပကြပါသည်။

ပြီးခရေ စက်တင်ဘာလ၊ ၂၆ရက် ၂၀၀၇ ခုနှစ်တွင် သံဃာတော်များ ငြိမ်းချမ်းစွာ မေတ္တာပို့ လမ်းလျှောက်ဆန္ဒပြပွဲကို မြန်မာစစ်အစိုးရက ရက်ရက်စက်စက် အကြမ်းဖက်နှိမ်နင်းရေ အတွက်ကြောင့် ရွေဝါရောင် တော်လှန်ရေး ပေါ်ပေါက်လာခဲ့ခြင်း ဖြစ်ပါသည်။

http://www.ktimes.org/thatin/120-2008-09-09-23-29-36.html