The Light of Asia (အာယှနီဝန်း)ကြီး ဆရာတော် ဦးဥတ္တမ ပျံလွန်တော်ရေ နှစ်ပေါင်း (၇၀) မြောက် အခမ်းကို ထိုင်းနိုင်ငံ ဖူးကတ် မှာ(၉) ရက်နိန့်ကျင်းပမည်ဟု သတင်းရဟိပါသည်။ အလားတူ မလေးယှားနိုင်ငံမှာလည်း (၉)ရက်နိန့်ကျင်းပမည်ဟု သိရပါသည်။
မလေးယှားနိုင်ငံမှာ ဆရာတော်ဦးဥတ္တမ၏ ပျံလွန်တော်မူရေနှစ်ပေါင်း (၇၀) မြောက်အခမ်းအနားသို့ တိုင်းရင်းလူမျိုးပေါင်းစုံကိုလည်း ဖိတ်ထားကြောင်းသိရပါသည်။ အထူးအနီနန့် မလေးယှားနိုင်ငံမှာ ကျင်းပဖို့ပွဲမှာ ရခိုင်သမိုင်းပညာသျှင် ဒေါက်တာအေးကျော် (USA) လည်း ဆရာတော်ဦးဥတ္တမနိန့်အခမ်းအနားမှာ ဟောပြောဖို့ရန်အတွက် တနင်္ဂနွီနိန့်က မလေးယှားနိုင်ငံ သို့ရောက်နိန်ဗျာယ် ဖြစ်ကြောင်းသိရပါသည်။ ယင်းပွဲတော်ကို ကွာလာလမ်ပူမြို့တရုတ်တမ်းမှာ ကျင်းဖို့လို့သိရပါသည်။
ဆရာတော်ဦးဥတ္တမသည် ရခိုင်တမျိုးသားလုံးအတွက်သာမက မြန်မာနိုင်ငံဟိ တိုင်းရင်းသားလူမျိုးတိအားလုံးအတွက် ကိုယ့်အသက်ကို ပဓာနမထားဘဲ မြန်မာတနိုင်ငံလုံး ဗြိတိယှကျွန်ဘဝကလွတ်မြောက်အောင်ပထမဆုံးသော ရှိဆောင်လမ်းပြသူတဦးဖြစ်ပါသည်။ ယကေလည်း ဆရာတော်ဦးဥတ္တအခမ်းအနားကျင်းပခွင့်ကို န.အ.ဖ စစ်ဝါဒီတိက မြန်မာနိုင်ငံပြည်တွင်းမှာ ကျင်းပခွင့်မပြုဘဲ ဆရာတော်၏ သမိုင်းတိကိုပါပျောက်လားအောင်လုပ်နီပါသည်။
ပြည်ပရခိုင်တိက နှစ်စဉ်နှစ်တိုင်း စက်တိန်ဘာလ (၉)ရက်နိန့်မှာ အာယှနီဝန်းကြီး ဆရာတော်ဦးဥတ္တမနိန့်ကို ထိုင်းနိုင်ငံ၊ မလေးယှားနိုင်ငံ၊ ဂျပန်နိုင်ငံ၊ ဘင်္ဂလားဒက်ယှေ့နိုင်ငံ၊ နော်ဝေးနိုင်ငံ စရေ နိုင်ငံတကာမှာအသီးသီးကျင်းပလေ့ဟိကတ်ပါသည်။
Sunday, September 6, 2009
စက်တိန်ဘာလ (၉)ရက်နိန့် နိုင်ငံတကာမှာ အာယှနီဝန်းဆရာတော် ဦးဥတ္တမနိန့်ကျင်းပဖို့အားယူနိန်
Subscribe to:
Post Comments (Atom)
0 comments:
Post a Comment