1/1/2010
ထိုင်းနိုင်ငံရှိ မြန်မာဒုက္ခသည် စခန်း အုန်းပြန့်တွင် ၂၂၅ နှစ်မြောက် ရခိုင်ဘုရင်နိုင်ငံတော် အချုပ်အချာ အာဏာ ကျဆုံးသည့်နေ့ အောက်မေ့ဖွယ် အခမ်းအနား တရပ်ကို ကျင်းပ ပြုလုပ်ခဲ့သည်။အဆိုပါ အခမ်းအနားကို ရခိုင်ဘုရင့်နိုင်ငံတော် ကျဆုံးသည့် ဒီဇင်္ဘာလ ၃၁ ရက်နေ့က ကျင်းပပြုလုပ်ခဲ့ပြီး အခမ်းအနားသို့ ရဟန်းတော်များ အပါအ၀င် လူပေါင်း ၈၀ တက်ရောက် ခဲ့သည်။
အခမ်းအနားတွင် သဘာပတိ် အဖြစ် ဆောင်ရွက်သူ ရဟန်းတော် ကန္ဓကမှ အဖွင့် မိန့်ခွန်းစကားပြောကြားပြီး ဒါရိုက်တာ ဦးအနောင်မှ ရခိုင် ဘုရင့် နိုင်ငံတော် အချုပ်အချာ အာဏာ ကျဆုံးရခြင်းနှင့် ပတ်သက်ပြီး ဆက်လက် ပြောကြားသည်။
အခမ်းအနားကို စီစဉ်ရာတွင် ပါဝင် သူတဦးဖြစ်သူ ကိုစောထွန်းမှ တက်ရောက်လာသူများအား ယခုကဲ့သို့ ပြောသည်။
“ ရခိုင်ဘုရင်နိုင်ငံတော်ကျဆုံးရတာဟာ ရခိုင်ပညာရှိ ဦးမြ၀ါရဲ့ စကားကြီးသုံးခွန်ကို မေ့လျော့သွားခဲ့ကြတဲ့ အတွက် ဖြစ်ပါတယ်။ ဦးမြ၀ါက “ ပါးစပ်ကပျား၊ ၀မ်းကမျှားကဲ့သို့ လူတွေကို သတိထားပါ။” “ဘုရားနားမှာ ညောင်ပင် ကြတ်သကဲ့သို့ ကြတ်တဲ့ လူတွေကို သတိပြုပါ။” “ ကိုယ်ထက်သာရင် မနာလိုတဲ့ လူတွေကို ရှောင်ပါ။” ဆိုပြီး စကား သုံးခွန်ကို ပြောသွားခဲ့ပါတယ်။ ခုလို လူတွေကို အနားမှာထားပြီး သူကောင်း ပြုခဲ့တဲ့အတွက် ရခိုင်နိုင်ငံတော်ဟာ ခုလို ကျဆုံးသွားခဲ့ရတာ ဖြစ်ပါတယ်။”
အခမ်းအနားကို နေ့လည် ၁၂ နာရီမှ စတင်ပြီး ညနေ ၂ နာရီခွဲတွင် အောင်မြင်စွာဖြင့် ကျင်းပပြီးစီးခဲ့သည်ဟု သိရသည်။
0 comments:
Post a Comment